مش عارفة شو بدي أقول ..

بس الوضع بغزة صار جنوني بالكامل ..

 

خايفة أقول ، على فلسطين السلام ، وعلى قضيتنا السلام ..

مش هادي النهاية اللي بدنا ياها ..أبدا ابدا ..

-----------------------------

كل الاسئلة اللي ممكن تسألها لفتح أو لحماس رح تلاقي الها جواب ..

ليش .. لمصلحة مين ..

الا سؤال واحد ..

 لوين ...؟؟

وين بدنا نوصل ..؟؟

انا اليوم . بنت 17 سنة .. توجيهي .. بكرة بنجح وبجيب معدل حلو .. بدخل جامعة .. وبعدين ؟؟

وين المستقبل اللي بدو يستناني ؟؟

زمان كان مستقبلنا ينهدم من الاحتلال .. ونقول معلللش نضال .. وعلشان هالوطن ..

واليوم .. الوطن انتسى .. والجدار بياكل بالضفة .. واحنا بناكل بغزة ..

ياخسااااارة ..

-------------------------------

سامحنا يا شهيد .. مات الذي من أجله استشهدت ..

سامحنا يا أسير ضاع الذي من أجله أسرت

سامحنا يا جريح .. راح الذي من أجله جرحت ..

 ..هـــنا صرخة..

-------------------------

ودعته أمه .. دعت له بالنصر والجنة .. غدا.. ستتوضأ وتصلي لروحه العطرة ركعتين ..

لن تجزع إن رأت أبنائه يبكون .. فهي تعلم أن أباهم في جنان ورياض ..

ولن تصرخ ان قابلت صورته صدفة في شوارع المخيم ..فهي تدرك كل الادراك أنها ستلقاه في مكان أندى ، وأعطر ..

ولن تستجدي مخصصا شهريا من لصوص الكراسي .. في توقن أن كل لصوص وشرفاء العالم لن يصلو بأموالهم لمعشار الثمن الذي دفع إبنها ..

ابنها يا أنتــــــــــم ( شهيـــد بطــل ) .. استحق لقب البطولة لأنه لم يتمرغ بوحل الرصاص المستورد ..!!

------------------------------

 

 

 

مش هنحارب أمريكا !!!

 

 

واحد بلدياتنا اتصل ببوش وقال له: سيدي الرئيس عاوز أخبرك انه قررنا إعلان الحرب على امريكا !!.  

رد بوش : ممكن اعرف مين انتو ؟ .

بلدياتنا : أنا وأصحابي عوضين وحسنين وصميدة وحمدان وكل شباب قهوة عليش يعني 8 رجالة تقريباً !!.  

رد بوش بضحكه : بس انت عارف إنه عندي مليونين جندي تحت أمري ؟

بلدياتنا : مليونين جندي ؟ دي معلومة جديدة محتاجة مشاورات دقيقة مع الرجالة ... خليني اشوفهم وهرجع أتصل بيك بكره !! . 

ثاني يوم اتصل بلدياتنا ببوش وقال له : بعد المشاورات غيرنا رأينا وقررنا منعلنش الحرب على أمريكا !!.

رد عليه بوش باستغراب : وإيه السبب اللي خلاكم تغيروا رأيكم فجأة ؟؟  

بلدياتنا : عاوز الصراحه ما عندناش في بلدنا مكان يساع لمليونين أسير

 !!!

 

شوفوووو ، بالله ما هادا نموذج واضح عالسذاجة العربية بالتعامل مع كل الاحداث اللي حوالينا

  

---------------------------------

  

اليوم كنت اسمع راديو

 

كان برنامج عن اللي بيصير بلبنان

 

ففي ناس اتصلو وقالو لاااااا ، لانو حزب الله شيعي مالازم ندعمو

 

انا تضايقت شوية

 

مابعرف ليش احنا بنولي اهتمامنا الكبير لحاجات فرعية ، يعني ديانة الانسان ، معتقداتو ، يمكن حتى الطريقة اللي بيحرك فيها ايديه ، وبينشف عرقه ..!!

 

 انا بقول ، اي انسان رح يخدمني ويتزكرني ،، انا معو ، حتى لو كان شو ما يكون .. 

 

اممممممممم

 

 يعني احنا عننا 10 الاف اسير ، يعني 10 الاف عيلة ، وكل عيلة بالمتوسط 5 افراد ، يعني  خمسين الف انسان ، عندو أمل انو يلاقي اختو او اخوه او ابوه رح يطلع من الأسر .. ولسا بنقول شيعي ،، انا بقول للي احتجزوا الجنديين ، وللي أسرو الجندي عننا ، ما تطلعوه .. إياكم تقدمو على هالخطوة من غير مقابل ..

  

---------------------------------------------

  

حابة احكي كمان عن تلفزيون فلسطين

 

مشكلتنا

 

عننا غزارة بالانتاج .. بس سوء بالتوزيع

 

يعني مثلا بيحملو هالكاميرا ، بيفوتو هالمستئفى وبيبدو يصوروا ووين ماتقع الكاميرا تقع ، وع طوووول بيبعتوها عالمباشر

من غير منتجة ، ولا مؤثرات صوتية ، ولا يحزنون  

بقول ، انو لو مشهد طفل فلسطيني عم يبكي دمعة ، ممنتج ومعاه مؤثرات ، رح يكون الف مرة افضل من مشاهد كتيرة بتنبث ، وبنعتقد انها افضل مالدينا

محتاجين كتير لسا علشان نتطور 

وعلشان نفهم بالأول ..!!

  

----------------------

 

 اخيرا ، قررت اخد دورة تحضير للمنهج الجديد 

كنت بالأول رافضة الموضوع خالص

بعدين لقيت حالي بضيع وقتي 

قلت مالي غير ابدأ بالمنهج

وان شاء الله بكرة اول درس كيمياااااااا 

والله بحبها الكيميا

-------------------------

 

صحيح 

ماقلتلكم

ما أماني خطبت ؟ 

مين أماني

اماني بنت الجيران ، اللي عمرها بس 14 ، طالعة ع اولى ثانوي 

انا ا كنت مصدومة كتير

البنت من لما كان عمرها 12 وامها بتحضرها وبتقللها مالك غير الزواج ، والبنت كبرت على هيك فكرة 

وهللوقت ،، فرحانة ، وتاني يوم الخطبة طلعت عاملة بوجهها شوارع المخيم ، بقللها : شو عاملة بحالك ، بتقللي ، ماصدقت أخطب ..!!

 

مش حرام ..!!

 

بنت طفلة ، نغذي تفكيرها بهالأفكار

 

ونربيها على هالثقافة

 

الله يسامح اهلها بس

 

مع انو بيقولو مصلحتها

 

بكرة بنشوف ...مصلحتها..!!

  

---------------------------

 

 يلاا ، انا قايمة اصلي الفجر  

وبستنى ردوكم

اذاااااااااااا كان الي عمر ، وفرحت وتهنيت بشوفة الكهربا

 

---------------------

لوووووووووووووول

بكرة رايحين عالبحر

والله خافيني شوي ليقصفو

بس خلللللللللللص ، مش قادرين نستحمل قطعة كهربا وحررر

اذا عشنا رح احطلكم الصور

اذا استشهدنا ، برضو رح تشوفو صور الكبة والبيتزا عالجزيرة

استودعكم الله